جھاڑیوں میں بیٹھے خطرناک نظروں سے دیکھنے والے اس شیر کی حقیقت کیا ہے؟

جھاڑیوں میں بیٹھے خطرناک نظروں سے دیکھنے والے اس شیر کی حقیقت کیا ہے؟

اگر آپ گھر سے باہر جائیں اور اس دوران آپ کو شیر نظر آجائے تو آپ کے بھی اوسان خطا ہو جائیں گے۔گزشتہ ہفتے کے آخر میں محمکہ جنگلی حیات کے افسران کو ماؤنٹ کینیا نیشنل پارک سے ایک کلومیٹر کے فاصلے پر شیر کو دیکھنے کے بعد خطرے کا الارم بجا کر بلایا گیا۔انہیں ہنگامی اطلاع دی گئی کہ خطرناک شیر جھاڑی میں چھپا ہوا ہے اور کسی بھی وقت انسانوں پر حملہ آور ہوسکتا ہے۔

کنیانہ گاؤں میں شیر کو قابو کرنے کے لیے آنے والے 3 اہلکاروں نے دیکھا کہ جس شیر کا ذکر کیا گیا ہے وہ شیر تھا ہی نہیں بلکہ ایک کیری بیگ ہے جس پر شیر کی تصویر بنی ہوئی تھی۔بیگ پکڑے شخص نے اپنی تصویر کو نمایاں کیا اور تھیلے کو جھاڑی میں اس طرح رکھا کہ وہ اصلی شیر کی طرح نظر آرہا تھا۔برطانوی خبر رساں ادارے کے مطابق یہ تھیلا گھر کے مالک نے ایک جھاڑی میں رکھا تھا جس میں ایواکاڈو کے درختوں کے کچھ پودے رکھے گئے تھے جن کی وہ حفاظت اور انہیں سوکھنے سے بچانا چاہتا تھا۔