کامن ویلتھ گیمز؛ پہلوان انعام بٹ بیچ ریسلنگ میں آج اپنے ٹائٹل کا دفاع کریں گے

برمنگھم میں ہونے والے کامن ویلتھ گیمز کے مقابلوں میں پاکستانی پہلوان انعام بٹ آج بیچ ریسلنگ میں اپنے ٹائٹل کا دفاع کریں گے۔پاکستانی پہلوان انعام بٹ کامن ویلتھ گیمز کے مقابلوں میں 86 کلو گرام کی کیٹگری میں پاکستان کی نمائندگی کررہے ہیں جبکہ انعام بٹ کی کامیابی کے لیے ان کے والدین بھی خصوصی دعائیں کررہے ہیں۔قومی ہیرو کی جیت کے لیے ان کے گھر میں دعائیہ تقریب کا اہتمام کیا گیا ہے جبکہ انعام بٹ کے والد بیٹے کی جیت کے لیے اللہ کے حضور دعا کرتے آبدیدہ ہوگئے۔انعام بٹ کے والدین اپنے بیٹے کی جیت کے لیے انتہائی پر امید ہیں۔واضح رہے کہ پہلوان انعام بٹ 2010 اور 2018 میں بھی کامن ویلتھ گیمز میں پاکستان کے لیے گولڈ میڈل جیت چکے ہیں۔انعام بٹ اپنے کیریئر کے دوران اب تک پاکستان کے لیے 16 انٹرنیشنل میڈل جیت چکے ہیں جبکہ ایشین بیچ گیمز اور ایشین اولمپک کوالیفائی میں انعام بٹ نے ایک گولڈ اور 2 براؤنز میڈل حاصل کیے تھے۔ورلڈ بیچ ریسلنگ کے مقابلوں میں بھی انعام بٹ پاکستان کے لیے 5 گولڈ میڈل جیت چکے ہیں جبکہ وہ رستم پاکستان اور شیرِ پاکستان کا ٹائٹل بھی اپنے نام کرچکے ہیں۔