معاشی ٹیم میں تبدیلی اور طوی المدت منصوبہ بندی وقت کی اہم ضرورت ہے، میاں نعمان کبیر

لاہور چیمبر کے صدر میاں نعمان کبیر نے کہا ہے کہ معاشی ٹیم میں تبدیلی اور طوی المدت منصوبہ بندی وقت کی اہم ضرورت ہے۔
تفصیلات کے مطابق لاہور چیمبر کے صدر میاں نعمان کبیر نے وزیراعظم شہباز شریف پر زور دیتے ہوئے کہا کہ وہ اپنی اکنامک ٹیم میں تبدیلی پر غور کریں کیونکہ معیشت کی بحالی و استحکام کے لیے یہ اشد ضروری ہے۔
“موجودہ معاشی منظر نامہ انقلابی اقدامات کا متقاضی ہے”
میاں نعمان کبیر نے کہا کہ معاشی حالات، کاروباری برادری کے تحفظات کے پیش نظر معاشی ٹیم میں تبدیلی ضروری ہے، موجودہ معاشی منظر نامہ انقلابی اقدامات کا متقاضی ہے۔
“اقتصادی ٹیم میں تبدیلی معیشت کو پٹڑی پر لانے میں اہم کردار ادا کر سکتی ہے”
ان کا کہنا تھا کہ اقتصادی ٹیم میں تبدیلی معیشت کو پٹڑی پر لانے میں اہم کردار ادا کر سکتی ہے، اس سے ملک کے میکرو اکنامک اسٹرکچر کو بہتر بنانے میں بھی مدد ملے گی۔
“اس وقت ملکی معیشت کو ایک درست سمت کی اشد ضرورت ہے”
انہوں نے کہا کہ اس وقت ملکی معیشت کو ایک درست سمت کی اشد ضرورت ہے، ماضی میں میکرو اکنامک صورتحال تشویشناک رہی جس نے شرح نمو میں کمی، غربت و مہنگائی میں اضافے سمیت بے شمار معاشی وسائل پیدا کیے۔
“ہمیں تیزی سے اقدامات اٹھانے کی ضرورت ہے”
لاہور چیمبر کے صدر نے کہا کہ ہمیں تیزی سے اقدامات اٹھانے کی ضرورت ہے کیونکہ ہم وقت ضائع کرنے کے متحمل نہیں ہو سکتے، ملک کو معاشی مسائل سے نکالنے کے لیے ہر ایک کو اپنا اپنا مخلصانہ کردار بھرپور طریقے سے ادا کرنا ہو گا، ہم سب کا مقصد ایک مستحکم اور عظیم پاکستان ہونا چاہیے۔