سابق آسٹریلین ٹیسٹ کرکٹر مک گل کے اغوا کی کہانی

آسٹریلیا کے سابق ٹیسٹ کرکٹر اسٹیورٹ مک گل کو اغوا کر کے تشدد کا نشانہ بنانے کے بعد رہا کرنے کا انکشاف ہوا ہے۔

غیر ملکی میڈیا کے مطابق آسٹریلین پولیس کا کہنا ہے کہ 14 اپریل کو 3 افراد نے سابق لیگ اسپنر اسٹیورٹ مک گل کو ایک انٹرسیکشن پر روکا اور گاڑی میں ڈال کر ساتھ لے گئے۔

پولیس کے مطابق اغوا کار انہیں شہر سے باہر ایک جگہ لے گئے جہاں سابق کرکٹر کو تشدد کا نشانہ بنایا گیا، استری سے جلایا گیا اور دھمکیاں دی گئیں اور پھر ایک گھنٹے بعد چھوڑ دیا گیا۔

پولیس حکام کا کہنا ہے کہ واقعے کی تحقیقات کے بعد سڈنی میں بدھ کی علی الصبح آپریشن کر کے 4 مسلح افراد کو گرفتار کیا گیا جن کی عمریں 27 سے 46 سال کے درمیان ہیں۔

پولیس کا کہنا ہے کہ ایسا معلوم ہوتا ہے کہ اسٹیورٹ مک گل کو تاوان کے لیے اغوا کیا گیا تاہم واقعے کی تحقیقات شروع کر دی ہیں۔

خیال رہے کہ اسٹیورٹ مک گل کا شمار آسٹریلیا کے بہترین لیگ اسپنرز میں ہوتا ہے اور انہوں نے 44 ٹیسٹ میچوں میں آسٹریلیا کی نمائندگی بھی کی تاہم بدقسمتی سے شین وارن کی موجودگی میں ان کی ٹیم میں مستقل جگہ نہ بن سکی۔

Star Asia

اسٹار ایشیا پاکستان کا مقبول نیوز چینل ہے۔

Read Previous

شاہد کپور اور ان کی سوتیلی ماں سپریا پاٹھک کے تعلقات کیسے ہیں؟

Read Next

کراچی: سونار کی دکان میں واردات ، چوروں نے 10 سے 12 کلو سونے کا صفایا کردیا